Fréttir

Lokaíbúafundur var haldinn í byggðaþróunarverkefninu Öll vötn til Dýrafjarðar þann 16. maí sl. Á þeim tímamótum dró Byggðastofnun sig formlega í hlé úr verkefninu. Um síðustu áramót rann samningur við Ísafjarðarbæ og Vestfjarðastofu um verkefnið sitt skeið og Agnes Arnardóttir verkefnisstjóri hvarf til annarra starfa hjá Vestfjarðastofu, hún hefur þó sinnt eftirfylgni verkefna eftir atvikum og tók þátt í undirbúningi og framkvæmd lokaíbúafundar í samvinnu við verkefnisstjórn.

Orkneyjaráðið (Orkney Islands Council, OIC) og NORA skrifuðu nýverið undir samkomulag um samstarf (Memorandum of Understanding).

Eins og áður hefur komið fram var Eyrarrósin, viðurkenning fyrir framúrskarandi menningarverkefni utan höfuðborgarsvæðisins, afhent í átjánda sinn miðvikudaginn 3. maí. Hér er nánar sagt frá verkefnunum er hlutu viðurkenningu þennan dag.

Á ársfundi Byggðastofnunar, þann 27. apríl síðastliðinn, voru veittir fimm styrkir úr Byggðarannsóknasjóði. Byggðarannsóknasjóður hefur það að markmiði að veita styrki til rannsókna- og þróunarverkefna sem stuðlað geta að jákvæðri byggðaþróun og bætt þekkingargrunn sem nýtist við stefnumótun, áætlanagerð og aðgerðir á sviði byggðamála. Styrkirnir eru fjármagnaðir af fjárlagalið byggðaáætlunar og með framlagi frá Byggðastofnun. Til úthlutunar voru 10 m.kr. Auglýsing um styrki til byggðarannsókna var birt 24. janúar með umsóknafrest til 1. mars. Alls bárust 27 umsóknir.

Eyrarrósin, viðurkenning fyrir framúrskarandi menningarverkefni utan höfuðborgarsvæðisins, var afhent í átjánda sinn miðvikudaginn 3. maí, við hátíðlega athöfn á Hvammstanga.

Ársskýrsla Byggðastofnunar fyrir árið 2022 var gefin út samhliða ársfundi Byggðastofnunar sem haldinn var á Húsavík 27. apríl sl. undir yfirskriftinni Byggðarannsóknir: Blómlegar byggðir í krafti þekkingar. Í skýrslunni er farið yfir helstu áhersluþætti í starfi Byggðastofnunar yfir starfsárið og skýrsla stjórnar og ársreikningar lagðir fram. Í fyrsta sinn kom skýrslan eingöngu út á rafrænu formi sem er liður í Grænum skrefum stofnunarinnar.

Landstólpinn, samfélagsviðurkenning Byggðastofnunar, er viðurkenning sem venjan er að Byggðastofnun veiti á ársfundi sínum. Viðurkenningunni er ætlað að vekja athygli á því góða og fjölbreytta starfi sem fram fer í landsbyggðunum og um leið að vekja athygli á starfi Byggðastofnunar. Landstólpinn var fyrst afhentur árið 2011 en var nú afhentur í tólfta sinn á ársfundi Byggðastofnunar sem haldinn var á Fosshótel Húsavík þann 27. apríl sl.

Ársfundur Byggðastofnunar var haldinn á Fosshótel Húsavík í gær, fimmtudaginn 27. apríl. Yfirskrift fundarins var Byggðarannsóknir: Blómlegar byggðir í krafti þekkingar.

Byggðastofnun óskar eftir að ráða drífandi talnasnilling sem býr yfir miklu frumkvæði, skipulögðum vinnubrögðum og getu til að sinna spennandi rannsóknum á sviði byggðamála auk greiningu fjárhagsupplýsinga, einkum á sviði póstmála. Um er ræða spennandi starf fyrir einstakling sem hefur áhuga á leiða faglegt starf, sinna rannsóknum, greiningum og þekkingarmiðlun. Æskilegt er að umsækjandi geti hafið störf sem fyrst. Starfshlutfall er 100%. Launakjör eru samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Starfsemi Norðurslóðaáætlunarinnar 2021-2027 er komin á fullan snúning og nú hefur verið opnað fyrir umsóknir í þriðja aðalkalli sem verður opið til 26. maí. Til að auðvelda væntanlegum umsækjendum að forma verkefnahugmyndir í takt við áherslur áætlunarinnar og fara yfir ýmis tæknileg atriði verða á næstunni haldnir nokkrir vefviðburðir.