Fréttir

NORA auglýsir hér með eftir umsóknum um styrki til samstarfsverkefna á milli Íslands og hinna NORA-landanna, þ.e. Grænlands, Færeyja og Noregs.

Byggðastofnun hefur í samstarfi við Hagfræðistofnun Háskóla Íslands  unnið tölur um hagvöxt í einstökum landshlutum.

Eftirlitsstofnun EFTA (ESA) hefur tekið ákvörðun um nýtt byggðakort fyrir Ísland sem gildir til ársloka 2013.  Í þessari ákvörðun felst að íslenskum stjórnvöldum er heimilt að veita byggðastyrki á þeim svæðum sem falla undir byggðakortið. 

Í byrjun desember veitti Norræna Atlantsnefndin (NORA) verkefnastyrki að upphæð 28,3 milljónir íslenskra króna og er það síðari styrkjaúthlutun árið 2006. Þau 10 verkefni sem hljóta styrki eru  á sviði auðlinda sjávar, ferðaþjónustu, orkumála og samgöngumála.

Auglýst er eftir umsóknum um styrki í 2. áfanga rannsóknaráætlunar Norrænu ráðherranefndarinnar "Alþjóðavæðing á byggðaþróunarstefnum ? þarfir og kröfur á Norðurlöndum". Umsóknarfrestur rennur út 15. febrúar 2007. Nánari upplýsingar um áætlunina og verkefni hennar má finna á http://www.nordregio.se/, undir NCM RESEARCH PROGRAM. Upplýsingar gefur líka Árni Ragnarsson á Byggðastofnun.

NICe, Norræna nýsköpunarmiðstöðin í Osló hefur auglýst eftir umsóknum um rannsóknarstyrki.

Alþjóðleg ráðstefna um skapandi lausnir fyrir fámennar byggðir strandhéraða við norðanvert Atlantshaf var haldin í Labrador dagana 1.-3. nóvember. Á ráðstefnunni komu fram tillögur um verkefnasamstarf þvert yfir Atlantshafið. NORA, Norræna Atlantsnefndin, stóð fyrir ráðstefnunni í samvinnu við kanadísku stofnanirnar Smart Labrador og Harris Centre við Memorial háskólann. 

Rannís og Norræna nýsköpunarmiðstöðin bjóða til morgunverðarfundar þar sem kynntir verða  styrkir til verkefna er miða að nýsköpun og auknu samstarfi matvæla, ferða og afþreyingariðnaðar til að efla svæðisbundna verðmætasköpun.

Byggðastofnun og Skipulagsstofnun hafa síðasta árið unnið saman að gerð og fjármögnun verkefnis um samþætta áætlanagerð á Íslandi. Málþing um verkefnið fer fram á Grand Hotel Reykjavík og hefst kl. 8:30, þriðjudaginn 31. október.

Listahátíð í Reykjavík, Byggðastofnun og Flugfélag Íslands standa saman að Eyrarrósinni, viðurkenningu sem veitt er árlega einu afburða menningarverkefni á landsbyggðinni, á starfssvæði Byggðastofnunar.